Mësohet se një drogë e re xhelatinoze ka dalë në qarkullim dhe vjen nga Kanadaja. Detaje të reja janë zbardhur nga ky operacion ku mësohet se kanabisi i sekuestruar në Tiranë kishte ardhur më postë nga Kanadaja i fshehur në konserva peshku.

Megaoperacioni që u zhvillua në disa qytete të Shqipërisë, ka vënë në pranga 20 persona në Durrës.

Ky operacion anti drogë po zhvillohet edhe në qarkun e Vlorës. Janë 50 të shoqëruar në qytetin e Vlorës gjatë natës dhe mëngjesit të sotëm. Aksioni gjatë natës është zhvilluar nga policia e Vlorës, ndihmuar nga FNSH dhe strukturat e tjera policore. Ndërkohë një person tjetër është arrestuar në Himarë me kokainë në banesë.

Policia ka sekuestruar edhe sasi lëndë narkotike, canabis, kokainë dhe armë zjarri. Ndërsa në qytetin e Sarandës janë vënë në pranga 5 persona.