Ngjarja e rëndë e ndodhur dje në Kosovë ku një njësit i armatosur serb sulmoi Policinë e Kosovës duke vrarë një punonjës të saj e plagosur dy të tjerë ka ndezur tensionet në Veri të vendit. Incidenti ndodhi pasi Policia e Kosovës iu afrua dy automjeteve të blinduara pa targa që kishin bllokuar një urë në hyrje të fshatit Banjskë të Leposaviqit. Ky veprim i ka alarmuar personat që kishin krijuar këtë barrikadë e që me sa duket po mundoheshin të fshehin veprimet e tyre.