Në një shoqëri dhe epokë të ushqyer nga ambicia dhe dëshira për sipërmarrje, ekziston në botë një grup individësh që kanë ngritur pasuri të paimagjinueshme.
Liderë të jashtëzakonshëm biznesi, të cilët zotërojnë vizion dhe inovacion, janë ngjitur për një kohë të shkurtër në nivelet më të larta të suksesit, duke zënë vend në listën e 10 individëve më të pasur në botë.
Sipas Forbes deri në muajin maj 2023, numri i miliarderëve në mbarë botën ka arritur në 2640, duke shënuar një rritje prej 19 herë krahasuar me shifrat e vitit 1987.
Shtetet e Bashkuara kryesojnë numrin e më të pasurve në botë, me rreth 724 miliarderë.
Vera neto e 10 njerëzve më të pasur tejkalon PBB-në e shumë kombeve. Sot, pasuria e tyre është e përqendruar kryesisht në teknologji, financa dhe industrinë me pakicë. Por pabarazia në rritje e pasurisë mes tyre dhe më pak të privilegjuarve po shton shqetësimet për njerëzit e tjerë në mbarë botën.
Gjithsesi, lista e fundit e publikuar nga Forbes për vitin 2023 zbulon 10 njerëzit më të pasur në botë, duke hedhur dritë mbi arritjet e tyre të jashtëzakonshme, aftësitë sipërmarrëse dhe ndikimin e thellë në ekonominë globale.
Elon Musk është njeriu më i pasur në botë. Ai është CEO i disa kompanive të njohura, përfshirë prodhuesin e makinave elektrike Tesla dhe kompaninë e eksplorimit të hapësirës SpaceX. Musk aktualisht zotëron 23 për qind të aksioneve në Tesla. Një pjesë e konsiderueshme e pasurisë së tij, rreth dy të tretat, është e lidhur me suksesin e Teslës. Musk bëri bujë në tetor 2022 kur bleu edhe Twitter për 44 miliardë dollarë.
Musk udhëhoqi Tesla-n në ofertën e saj fillestare publike në 2010. Kompania përjetoi rritje të konsiderueshme në kapitalizimin e tregut gjatë 2020 dhe 2021, duke e çuar Musk në pozicionin e 10 njerëzve më të pasur në botë në shtator 2021. Në kulmin e suksesit të saj në nëntor 2021, pasuria e Musk arriti 320 miliardë dollarë. Sipas Forbes ai zotëron aktualisht një pasuri neto prej 244,2 miliardë dollarë ose 15 herë më të madhe se GDP-ja e Shqipërisë (e cila vlerësohet të jetë rreth 16 miliard dollarë).
Dhjetë më të pasurit e vitit 2023:
Elon Musk
Vlera neto: 244,2 miliardë dollarë
Burimi: Tesla dhe SpaceX
Mosha: 51
Vendbanimi: Austin, Teksas
Shtetësia: SHBA
Bernard Arnault & Familja
Vlera neto: 208,8 miliardë dollarë
Burimi: LVMH/ mallra luksi
Mosha: 74
Vendbanimi: Paris
Shtetësia: Francë
Jeff Bezos
Vlera neto: 155,9 miliardë dollarë
Burimi: Amazon
Mosha: 59
Vendbanimi: Medina, Uashington
Shtetësia: SHBA
Larry Ellison
Vlera neto: 144,9 miliardë dollarë
Burimi: Oracle
Mosha: 78
Vendbanimi: Lanai, Hawaii
Shtetësia: SHBA
Warren Buffett
Vlera neto: 118,9 miliardë dollarë
Burimi: Berkshire Hathaway
Mosha: 92
Vendbanimi: Omaha, Nebraska
Shtetësia: SHBA
Bill Gates
Vlera neto: 113,0 miliardë dollarë
Burimi: Microsoft, investime
Mosha: 67
Vendbanimi: Medina, Uashington
Shtetësia: SHBA
Larry Page
Vlera neto: 109,9 miliardë dollarë
Burimi: Google
Mosha: 50
Vendbanimi: Palo Alto, Kaliforni
Shtetësia: SHBA
Sergej Brin
Vlera neto: 104,4 miliardë dollarë
Burimi: Google
Mosha: 50
Vendbanimi: Los Altos, Kaliforni
Shtetësia: SHBA
Mark Zuckerberg
Vlera neto: 101,3 miliardë dollarë
Burimi: Meta
Mosha: 39
Vendbanimi: Palo Alto, Kaliforni
Shtetësia: SHBA
Carlos Slim Helu
Vlera neto: 96,7 miliardë dollarë
Burimi: Telekom, investime
Mosha: 83
Vendbanimi: Mexico City
Shtetësia: Meksikë