Një i ri është arrestuar me akuzën se ka qëlluar dhe vrarë të dashurën e tij, Kaylin Fiengo , pasi 18-vjeçarja ishte shtatzënë. Gruaja dhe fëmija që ajo priste kanë vdekur. Trupi i vajzës u gjet në një makinë në Sanford, Florida. Sipas raportimeve nga policia, 18-vjeçarja kishte refuzuar të abortonte. Donovan Faison, 21 vjeç, u vu në pranga të martën pas një hetimi 10-mujor për kryerjen e vrasjes së dyfishtë.

Sipas policisë, Fiengo kishte shkuar me makinë në Coastline Park natën e 11 nëntorit për të takuar Faison. Po atë natë – pas orës 23:00 – ajo u gjet e pajetë, me plagë me armë zjarri, në sediljen e shoferit të makinës së saj, që ishte e parkuar. Çifti kishte pasur diskutime të shpeshta për shtatzëninë  javët e kaluara.

Policia nuk ka konfirmuar nëse Faison është vërtet babai i fëmijës së palindur, por ka theksuar se ai kishte edhe një djalë 1-vjeçar të quajtur Ace. “Ngjarjet e sotme vijnë pas një hetimi të gjatë, gati dhjetë mujor”, shpjegoi shefi i policisë Cecil Smith, i cili më pas vazhdon: “Hetuesit u siguruan që çdo provë e mundshme të përpunohej dhe analizohej në mënyrë që të sillnin vrasësin e Kaylin para drejtësisë.”